Raah...

Saamne dekha toh dikhi 2 raahein,
poochhti thi mujhse jaana hai tujhe kahan..

jawab dil mein liye.. aankhon ko moonde..
jo laga sahi..

us raah pe main chalta raha..


poochha gaya mujhse... jo raah li hai maine...
kya ban raha hun khuda main..
kyun le raha hun yeh raah main..

aankhein churaaye... sach se pare...

us raah pe main chalta raha...

jo waade kiye the saare maine...
jo sapne bune the saare maine..
sab hans rahe hain aaj mujhpe...
sab kehte hain jhootha mujhe...

sab kuchh apne andar samete...
sab ke liye ek rakshas banke..

us raah pe main chalta raha...

vishwas hai toda maine...
ek baandh hai jo khola maine...
ban gaya hun mook andhere jaisa...
pad gaya hun thanda barf ke jaisa...

aage kuchh hai dikhta nhn...
par raah jo li hai woh chhodni nhn...

aankhon mein aansoo liye...
apne har kisi ko ganwaaye..

us raah pe main chalta raha...